Pagbabalik-tanaw sa Nakaran

Marami ang nagsasabi na huwag tayong mabuhay sa ating nakaraan. Nakaraan na napabilang sa mga limot na.Tama kaya na ipagsawalang bahala na lamang natin ang mga bagay o pangayayari mula sa ating nakaraan? O tama kaya na ibaon nalamang natin ito sa hukay kasama ng masasalimuot nating napagdaanan?Dapat kaya na maging masaya tayo dahil minan a buhay natin dumaan tayo sa nakaraan na siyang humubog sa ating pagkatao na naging dahilan ng pagkamatatag natin sa ngayon?

          Marami  sa atin ang emosyunal kapag pinag-uusapan ang mga bagay tungkol sa ating nakaraan maaring ito ay tungkol sa ating sarling buhay,sa pag-ibig,sa mga pakikipagsapalaran at sa pakikipaglaban .Kung ating babalikan ang ating nagdaan maaaring makabuo na tayo ng maraming aklat na may ibat-ibang paksa sa kadahilanang masyadong komplekado ang mamuhay sa mundong ibabaw. Marami ang nag-aatubili na buksan ang ganitong paksa sa kadahilanang dapat na raw itong ibaon sa limot. Dapat na tingnan natin sa postibong pananaw ang mga bagay tungkol sa iting nakaraan dahil sa nakaraan tayo natutong makipagsapalaran at lumaban hindi lang para sa ating sarili kundi para narin sa mga taong nariyan para sa atin .Sa ating nakaraan makakakuha tayo ng butil ng karunungan na ating sandata sa susunod na kabanata ng ating buhay.

Ang ating nakaraan ang nagsisilbing imbakan ng ating mga karanasan na maaaring ihalintulad sa isang garapon na taguan ng bagay  bagay tulad rin sa ating karanasan, maaring  naging imbakan din ito ng ating karanasan maging ito man ay mabuti o masama .Ang nakaraan ang nagsisilbing giya o gabay sa atin . Ang ating nakaraan ay hindi makakahusga kung ano man tayo sa ngayon  dahil ang ating nakaraan ay palatandaan na tayo ay isang ganap na indibidwal na makadanas ng mga natatanging emosyon na normal lamang na pagdaanan ninuman. 

Ang pagbabaliktanaw sa ating nakaraan ay isang patunay na tayo ay isang taong matibay na kayang itaas ang sarili sa anumang sitwasyon .Ito ay isang mabuting pamamaraan upang huwag tayong nakalimot sa ating pinagmulan o ating napag daanan na siyang nagging susi sa pagkakaoon ng matibay na AKO.Ito ay mabuting hanguan ng mga hugot kung tawagin ng mga kabataan sa ngayon. Laging isaisip na huwag nating ipagsawalang bahala ang ating nakaraan bagkus ay nagpasalamat na atin itong napagdaanan.Ating sariwain ang ating nakaraan upang huwag malimutan ang ating pinagmulan at napagdaanan.